車厘韓語教室：咩話？

是咁的，今日講既呢個問題，我諗好多人都犯過，包括車厘。
所以！車厘一定要同大家分享，免得重蹈覆轍啊~~

聲音版：

很多初學韓文既人，因為聽不懂韓國人說話，所以就常常說「네?」(Ne)，即是「下？」或「咩話？」的意思。雖然對方都知道你韓文唔好，不過當你成日不停咁네黎네去，就會令人覺得你無禮貌喇。因為佢地講左一大堆野你聽，但你只回佢一粒字，加上通常都會「以笑遮羞」來掩飾自己聽唔明既尷尬，表現出黎既感覺就會令人覺得你輕挑或唔重視人地講既野。而更大既問題係你又唔識得解釋，誤會就係咁黎，你話幾冤枉。

為左避免呢個情況發生，就要知道點樣先可以更好地去表達聽唔明或聽唔到的意思。其實好簡單，盡量唔好回單字就得喇！回返句完整句字，聽果位人兄都會舒服好多。

聽唔到時，可以講
잘 못들었어요.
Jal mot deul eot eo yo
(不負責任音譯：柴莫te lot 梳喲)

聽唔明時，就可以講
이해 잘 안돼요.
yi hae jal an dwae yo
(不負責任音譯：意hea柴晏dwea喲)

只要講多幾個字，對方就會覺得你係有留心聽佢講野，只係聽唔明，佢地就會更樂意用簡單一點既方法再解釋你聽喇~

韓文唔好唔能夠隨心所欲表達自己已經係一件令人氣餒的事，如果再被人誤會就更加唔開心！你或者會覺得，用一個字就能夠表達你聽唔明既意思好方便，不過聽果位未必係咁諗。所以最好學識呢2句，就能夠避免好多誤會了！

希望幫到大家！